Marsjerte for fred

460 elevar ved Voss ungdomsskule gjekk onsdag Fredsmarsj i høve 60 års markeringa for
freden i Noreg. Norges Gang- og Mosjonsforbund er hovudarrangør av Fredsmarsjen 2005, som dei var i 1945 og i 1995. Det store idrettsarrangementet vart skapt av ei felles glede over frigjering og fred, og i 1945 deltok 554.000 nordmenn i marsjen. I 1995 var talet 596.500, og også i år prøver forbundet å få lokale lag, skular, barnehagar og andre til å arrangera fredsmarsj veka 1. til 8. mai.

Måndag gjekk elevane på Bjørgum skule fredsmarsj, og onsdag var det altså Voss ungdomsskule sin tur. 60-års markeringa vart opna av rektor Gunnvor Børsheim Lindland. Deretter las medlemmene i elevrådet sitt arbeidsutval kvar sitt vers av diktet Austvågøy av Inger Hagerup. Åge Stavenes i Tysklandsbrigadens Veteranforening avslutta med ei helsing til elevane, før marsjen gjekk frå skulen, over Prestegardslandet til Park Hotel Vossevangen og tilbake.

(Avisa "Hordaland")

RAGNHILD DÅRFLOT OLSEN | tekst
SJUR HERRE | foto

06.05.2006 marsj.jpg	06.05.2007 marsj.jpg	06.05.2008 marsj.jpg
06.05.2009 marsj.jpg	06.05.2010 marsj.jpg	06.05.2011 marsj.jpg
06.05.2012 marsj.jpg	06.05.2013 marsj.jpg	06.05.2015 marsj.jpg
06.05.2017 marsj.jpg	06.05.2018 marsj.jpg	06.05.2019 marsj.jpg
06.05.2020 marsj.jpg

Tilbake